28.11.2019

Eksternat imtahanları barədə elan

Əvvəlki illərdə ümumi təhsil məktəblərində oxuyub ümumi orta və tam orta təhsil səviyyəsini bitirə bilməyən şəxslər üçün 26-27 dekabr tarixlərində eksternat qaydasında imtahanlar keçiriləcək.

Qeydiyyat və sənəd qəbulu dekabrın 20-dək (yalnız iş günləri saat 09:00-dan 18:00-dək) Şuşa Rayon Təhsil Şöbəsində (ŞRTŞ) aparılacaq.

Eksternat imtahanlarında uğur qazanmış şəxslər ümumi orta və tam orta təhsil haqqında sənəd (attestat) almaq üçün Dövlət İmtahan Mərkəzi tərəfindən tam orta təhsil səviyyəsi üzrə keçirilən buraxılış imtahanlarında iştirak etmək hüququna sahib olacaqlar.

Ərizələri ŞRTŞ tərəfindən qəbul edilmiş eksternlər 24-25 dekabr 2019-cu il tarixlərində saat 10:00-dan 17:00-dək Şuşa rayon 7 nömrəli tam orta məktəbdən (şəxsiyyət vəsiqələrini təqdim etməklə) imtahana buraxılış vərəqələrini əldə edə bilərlər.

İmtahana gələrkən şəxsiyyət vəsiqəsinin əslinin təqdim olunması vacibdir.