07.07.2020

Şuşa  Rayon  Təhsil  Şöbəsinin  müdiri  Təvəkkül  Əliyev  onlayn qaydada  geniş  müşavirə  keçirib.

  Azərbaycan  Respublikası  təhsil nazirinin  müavini  hörmətli  Məhəbbət  xanım Vəliyevanın iştirakı ilə  “Ümumi  təhsil  müəssisələrində 2019-2020-ci  dərs ilinin yekunları və  növbəti  tədris  ilinə  hazırlıq “mövzusunda  videokonfrans  formatında  keçirilmiş  ümumrespublika  müşavirəsində  rayon  təhsil  şöbələri  qarşısında  qoyulmuş  məsələlərin  icrası məqsədilə  07.07.2020-ci il tarixdə  Şuşa  Rayon  Təhsil  Şöbəsinin  müdiri  Təvəkkül  Əliyev  onlayn qaydada  geniş  müşavirə  keçirib. Müşavirədə  təhsil  şöbəsinin  əməkdaşları, 21 məktəb  direktoru və 18 təlim- tərbiyə işləri  üzrə  direktor  müavinləri iştirak  ediblər.  Müşavirədə Təvəkkül Əliyev çıxış edərək 2019-2020-ci dərs ilində görülmüş işlər, əldə edilmiş uğurlar və pandemiyanın yaratdığı çətinliklər, “Virtual məktəb”dəki yeniliklər haqqında məlumat verib. Yaranmış vəziyyətdə şagirdlərin təhsildən uzaqlaşmamaları üçün müəllimlərin əksəriyyətinin fədakarlığından söz açan RTŞ müdiri “Virtual məktəb” layihəsində dərs demiş müəllimlərin şöbə tərəfindən “Təşəkkürnamə” ilə təltif olunmalarından, dərs bölgüsü aparılarkən məktəblərdə yaranacaq yeni dərs saatlarının onlara veriləcəyindən, bir sözlə həmin müəllimlərin bundan sonra da diqqətdə saxlanılacağını qeyd etmişdir.

Nailiyyətlərdən söz açan RTŞ müdiri Beynəlxalq və Respublika səviyyəli fənn olimpiadalarında Malıbəyli kənd 1 nömrəli məktəbin məzunu Vüqar Quliyevin 1 qızıl, 2 gümüş, 2 bürünc medal almasını, “Virtual əlaçı” onlayn müsabiqəsində 3 şagirdimizin Respublika birincisi olmasını, 3 nömrəli tam orta məktəbin kimya müəllimi Rüstəmova Günay Şahin qızının IV qrant layihəsində qalib olmasıını vurğulamış, ötən dövrdə yaranmış çətinliklərə seyrçi mövqedə olan fənn müəllimlərini bu prosesə qoşulmalarını, məktəb rəhbərlərinin özlərinin “Virtual məktəb” layihəsində fəallıq göstərərək müəllimlərə nümunə göstərmələrini tövsiyyə etmişdir. Bununla yanaşı cari məsələlər də müzakirə olunmuş yeni tədris ilinə hazırlıqla bağlı mövcud vəziyyətə uyğun görüləcək işlər ilkin olaraq planlaşdırılmışdır.Sonda videokonfrans iştirakçılarının sualları cavablandırılıb, həmçinin yay tətili ərzində müxtəlif mövzulu virtual müşavirələrin keçirilməsi qərara alınıb.

 


Açar sözlər: